الثلاثاء 13 سبتمبر 2011
المنصورة
النهارده كان فى وقفة امام مبنى ادارة الجامعة للمطالبة بالاتى
*اقالة القيادات الجامعية الحالية والقيادات الجديدة تكون بالأنتخاب
*تغيير اللائحة الطلابية القديمة
*رفض تعيين محمد حامد ابو المجد مسئولا عن اللجنه الامنيه بالجامعه
وصلت لمكان الوقفة الساعة 12.20..........
فى البداية العدد كان قليل مجموعة فى الوسط ماسكين علم كبير والناس متجمعة حواليهم
مع مرور الوقت العد بدأ يكبر تدريجيا والهتافات تزيد حدتها
دخلت مسيرة تانية ضمت علينا جاية من مسجد طب
وبدأ الهتاف اعلى هتافات زى... ثورة ثورة فى الجامعات ..حتى ترحل القيادات
عايزنها تبقى حرة..القيادات تطلع برة
الشعب يريد تطهير الجامعات
وبدأت الكلمات ............من جماعة الأخوان.6 ابريل.حملة دعم البرادعى.الفكر الناصرى
اسجل اعتراضى على التقسيمات دى كلها .عن نفسى افضل اللى يتكلم يتكلم بشخصه انما تقسمنا لجماعات دا بيضعف قوتنا
اثناء الوقفة ظهر ورق فيه اسماء المكلفين بمن كل كلية
فوجئت بأنهم كلهم من الجيش.هى ناقصة عسكره دولة يعنى!!!!
الأغرب ان احد الزملاء كان مقتنع جدا وبيقولى انت شفت ايه من الجيش وحش .......
فى النهاية
احب اوجه التحية لطلاب طب بيطرى
ليست هناك تعليقات:
إرسال تعليق